تحديد أطراف المحول العادى

تحديد أطراف محول الطرفين  العادى

Linear Transformer

المحول اللى فى الصورة دا إسمه  "linear transformer  " .

وهذا المحول يستخدم فى دوائر البور صبلاى البسيطة زى اللى بتعملها طلبة كليات الهندسة فى سنة أولى كهربا , أو اللى بيعملها أى حد محتاج بور صبلاى بسيط .

هذه النوعية من المحولات غالبا ما تكون خافضة للجهد بمعنى أنها بتنزل الجهد من قيمة كبيرة الى قيمة صغيرة , وأنا شخصيا على مدار حياتى لم أجد منها نوع رافع للجهد .  

  المحول دا كمان بتلاقيه موجود داخل الصب ( سمعات الكمبيوتر الكبيرة )

 

لما بتيجى تشترى محول زى دا من أى مكان بيبيع محولات بتقول للبائع عايز

محول     220   _  24  _  2 أمبير  

 

الكلام ده معناه أنك عايز محول جهد ملفه الأبتدائى 220 فولت وبيخرج على الملف الثانوى 24 فولت وأن أقصى تيار ممكن تأخذه من الملف الثانوى عند هذا الفولت (24) هو 2 أمبير .

ملحوظة

السؤال المهم ...

البائع هيديك المحول مكتوب عليه 24/220 بدون ما يحدد أى ناحية يوصل بها 220 فولت  وأيهم لل 24 فولت

إزاى تحدد الملف الابتدائى من الملف الثانوى ؟

الطريقة الاولى

فيه قانون مستخدم مع المحولات بيقول أن

جهد الملف الابتدائى * تيار الملف الابتدائى = جهد الملف الثانوى * تيار الملف الثانوى

    220       *    غير معلوم      =     24           *         2

هتلاحظ أننا معانا كل البيانات ما عدا تيار الملف الابتدائى  فمن القانون

إذا تيار الملف الابتدائى =( 24 * 2 ) /  220 = 0.218 أمبير

ستلاحظ أن قيمة تيار الملف الابتدائى أقل من تيار الملف الثانوى

أضف الى معلوماتك

كلما كانت قيمة التيار كبيرة كلما إحتجنا إلى سلك مساحة مقطعة كبيرة لكى تتحمل قيمة هذا التيار .

وفى المحول السابق كانت قيمة تيار الملف الابتدائى صغيرة بالنسبة لتيار الملف الثانوى < 2  0.218

إذا مساحة مقطع السلك ناحية الملف الثانوى لابد و أن تكون أكبر من مساحة مقطع السلك ناحية الملف الابتدائى .

فبالنظر الى المحول السابق ستجد أن هناك ناحية سمك سلكها أكبر وهى (السلك الأصفر) من سمك سلك الناحية الأخرى وهى  ( الأحمر والازرق ) .

هذه الناحية هى الملف الثانوى (السلك الأصفر) و الأخرى هى الملف الأبتدائى

خلاصت الكلام

الناحية اللى سمك سلكها أكبر هى الملف الثانوى فى المحولات الخافضة للجهد .

                  الطريقة الثانية ستشرح لاحقا

                           اسألكم الدعاء

 تابعونا على صفحتنا على الفيس بوك

 أدخل هنا ودوس ليك